eremit.dk
Sti: Forside > Emneindeks > KD > Bind VI > nr.25

Kjøbenhavns Diplomatarium

Bind: VI
Side: 16
Nummer: 25


<-Forrige . Indhold . Næste->

25.

12 Dec. 1525.

Skrivelse fra Magistraten i Kjøbenhavn til Magistraten i Lybek ang. Engelbret Finckes Sag. Jfr. Nr. 24.

Den erssamen wnde vorszinnigen heren borgemeyster unnde raadtmann
der stadt Lubeck, unszenn besunderen guden frundenn.
Jhesus.

Unszenn vruntlikenn grott tovorn. Erssamen unde vorsictigenn, besunderenn gunstigen guden vrunde. Iwer werdiicheyt schall wetenn, dat vor wns, dar wy na gewontliker wiss to rade vorgaddert, zo erschenenn de erssamen vorsictigenn Mathies Janszon, unsze borger, wnde hefft wns to erkenne geffwen, wo dat he etlike goder in Engelbret Finckes wnsze leve rade mebroders schip hefft, alszo quam van Gotland unde na Lubeck, alszo de hantscrefft inneholt, de bringer deszes breves Wdger Janszon, ergenante Mathies Janszon broder, by sick hefft. Dar wmme ys wnsze vruntliken bede unde begere an jw erssamen, woll wiszen herenn, dat gy so woll welen doen wnde wesze ergenante Wdger behulpelick, dat he dat goett kregen mach. Erssamen, woll wiszen unde forsictigen, benemede goden vrunden, hyr inne doet dat beste, alszo wy jw gantzliken dar to betrwen; wy wele des to allenn tyden an jw ende den jwen wedder wmme vordenen, wor wy konnen edder mogen. Hyrmede jw dem almectich Gode befolen to ewygenn tydenn. Gescrevenn to Copenhagen wp sancte Lucie virginis awent int jaar xvc unnde xxv.

Borgemeyster wnde radt-
manne der stadt Copenhagen.

Meddelt af Prof. Dr. D. Schäfer i Jena efter Orig. i Arkivet i Lybek. Brevet har Paaskrift: Recepimus sabbati 30 mensis decembris 1525.

VI s.16

<-Forrige . Indhold . Næste->

Opdateret: man jul 7 10:30:24 CEST 2003
© eremit.dk 2001 - 2010 . Må frit anvendes og citeres med kildeangivelse
Kontakt:

Creative Commons License
Dette værk er licensieret under en Creative Commons Navngivelse-Ikke-kommerciel-Ingen bearbejdelser 2.5 Danmark Licens.

Valid HTML 4.01 Transitional  Valid CSS!
Sidens top