eremit.dk
Sti: Forside > Emneindeks > KD > Bind VI > nr.1

Kjøbenhavns Diplomatarium

Bind: VI
Side: 1-2
Nummer: 1


<-Forrige . Indhold . Næste->

1.

23 Juni 1368.

Beretning om Indtagelsen af Kjøbenhavns Slot 16 Juni 1368 af Hansestæderne, efterat Byen 2 Maj var bleven ødelagt (se II. 10).

Salutatione premissa. Wisset, das uns das hus zcu Koppinhaven an dem vrytag nach sente Vitus taghe geantwert ist in sülchir vorworde, daz alle, dy uf dem huse waren, sülden abgen mit behaldenem lybe und gute, unde sulden varen uf ir gut, velich do zcu sin scwischen [hir unde] sente Michels tage; wan sente Michels tag cömet, uf welche syte sich das meiste teil des riches von Denmarken denne keret, do sullen sy ouch by blyben, Vortmer des von Mekelburge marschalk unde grave Hinrikes marschalk unde unser eyn teil, di zcum rate gesworen hatten, quemen uf das hus unde vunden in eyner kisten vil schönes dinges von des küniges silberen tavelgesmyde, als von kannen, becken, silbernen vassen, an schalen unde schusseln: in eyner andirn kisten vunde wir ustirmase schöne ornat von syden stücken, das zcu hochcziten zcu der kirche gehört; in eyner tunnen vunde wir sin stechgesmyde, daz zcu synen rossen gehort, unde in dem kelre vunde wir von anseen by 3 lesten wachs. Ouch so wart uns zcu wissen von her Petir Gruben unde Olf Bernersson unde von den andirn, die doruffe gewest hatten, di wir zcu gaste hatten gebeten, das vil gutis von ankern unde von schifgeczöwe bevallen were. Von disem gute süllen di von Mekelburg unde grave Hinrik di helfte habin von bete weyn, unde di gemeynen stete di andir helfte. Ouch wurde wir des eyns, das hus zcu halden bis zcu sente Johannis taghe, so lange das der tag zcu Lubek vorgangen is; waz do denne getedinget wirt, ab man daz hus sal brechen adir nicht, do sal das by blyben. Unde wir haben di habene al zcugesenket. Ouch so habben mich die houbtlüte von Pruzen gekoren, zcu Lubek zcu varen of den tag, scu vorhören, waz do getedinget wirt. Her Hartwig Pul is wol zcu Lubeke komen. Ouch wisset, das di von Valstirbuden

VI s.1

hatten genomen eyn schif von Danczk; das sulde habin gesiglet uff den Geland; der vruchtlüte hatten sy ein teil gevangen unde eyn teil tot geslagen. Do wir von Campen (læs: Koppinhaven) sigelten, des suntagis, do nome wir in das schif wider, unde haben das zcu Lubeke gebracht. Ouch so hab ich wol vornomen von dem von Mekelburg unde von syme rate, das das arlöuge zwischen dem konge von Norwege unde dem coufman wol sulde berichtet werden, ab man des begerte. Vortmer so hat greve Claws von Holczsten gewunnen eyn hus, das heist Coldingen und lyet in Jütland. Datum Lubek vigilia sancti Johannis baptiste.

Herman von Dülmen.

Requiratis a capitaneis de Campen de superfluo puntgeld
et de navibus perditis, si que reperte sunt.
Item de palgelt.

Meddelt af Dr. Karl Koppmann med tilhørende Undersøgelser efter en Papirsafskrift i Stadarkivet i Thurn i Festgabe für Prof. W. Crecelius 1881.

VI s.2

<-Forrige . Indhold . Næste->

Opdateret: lør jul 5 17:26:40 CEST 2003
© eremit.dk 2001 - 2010 . Må frit anvendes og citeres med kildeangivelse
Kontakt:

Creative Commons License
Dette værk er licensieret under en Creative Commons Navngivelse-Ikke-kommerciel-Ingen bearbejdelser 2.5 Danmark Licens.

Valid HTML 4.01 Transitional  Valid CSS!
Sidens top