Kjøbenhavns Diplomatarium

Bind: IV
Side: 36-37
Nummer: 45

Erkebisp Johannes af Lund stevner Frederik Vordenberg, af Vaaben, for sig i Anledning af en Strid om noget Altergods, han havde med Hr. Niels Christiernsen, Vikar perp. l Vor Frue Kirke.

Johannes, dei gracia archiepiscopus Lundensis, Swecie primas et apostolice sedis legatus, vniuersis et singulis abbatibus, prioribus, prepositis alijsque prelatis inferioribus, presbiteris, curatis et non curatis seu locatenentibus eorundem clericis, notarijs et tabellionibus publicis quibuscunque per infrascriptam ciuitatem et dyocesim Roskildensem vbilibet constitutis presentibus quomodolibet requisitis, salutem in domino et mandatis nostris infrascriptis firmiter obedire. Sua nobis discretus vir dominus Nicholaus Cristiernj, perpetuus vicarius in ecclesia Haffnensi (beate virginis 1) predicte Roskildensis dyocesis, grauj querimonia designauit, quomodo quidam Fredericus Wordenbergh 2) armiger, Ottoniensis dyocesis, quosdam redditus, fructus, prouentus et possessiones ad ipsius dominj Nicholai altare seu perpetuam vicariam in ipsa Haffnensi ecclesia de jure spectantes, ad longa retroacta tempora iniuste occupauerat et detinuerat et adhuc occupat et detinet minus iuste, in ipsius perpetuj vicarij non modicum preiudicium et grauamen. Quare idem dominus Nicholaus in iuris subsidium nos humiliter requisiuit, vt sibi desuper prouidere dignaremur de iuris remedio oportuno. Vobis igitur omnibus et singulis suprascriptis in veritate sancte obedientie et sub excommunicacionis pena, quam in vos et vestrum quemlibet presentis mandatj nostrj contemptorem terna admonicione canonica prima ferimus, in hijs scriptis auctoritate legacionis, qua fungimur, firmiter precipimus et. mandamus, quatenus accedentes, prout accedendum fuerit, et presens nostra citacio ad ipsius citandi noticiam peruenire poterit, ipsum Fredericum supradictum sub bonorum testimonio citetis, quem et nos tenorepresencium sic citamus, vt xxx^ma die post insinuacionem presencium, si juridica fuerit alioquin proxima, die juridica extunc sequente, quem terminum sibj pro monicione canonica et termino peremptorio prefigimus, coram nobis seu nostro in spiritualibus vicario generalj Lundensi in judicio hora causarum tempestiue et legittime compareat, docturus si poterit, quo iure quaue racione bona et possessiones altaris seu vicarie ante-

__________

1) Disse to Ord ere atter udstrøgne.

2) Frederik Wordingbergh til Egede, Ridder, forekommer i et Dokument Feb. 1456 (Lang. Dipl.) »D. Frider. Wordenbergh, miles, cum uxore sua Helena« nævnes blandt de kjøbenhavnske Vikariers Velgjørere (Pontopp. Orig. Hafn. S. 150).

IV s.36

dicti dominj Nicholaj detineat occupatas, et quare a detencione et occupacione earundem non debeat ammouerj, prout censuram ecclesiasticam duxerit euitandam. Intimantes eidem, quod siue comparuerit siue non, nichilominus in causa predicta, prout iusticia suaserit, procedetur. Datum Hafnis, Roskildensis dyocesis memorate, anno domini m⁰. cd⁰. xl⁰., crastino die beati Egidii abbatis, nostro sub secreto presentibus tergotenus impresso, remittentes presentes vestris sigillis consignatas in testimonium fidelis exsecucionis per vos facte.

Paategnet: Johannis archiepiscopi Lundensis steffning paa Friderich Vordenberg om det godz i Herløff. 1440. Orig. paa Papir i Geh.-Ark., med Erkebispens Segl og et andet Segl trykte bagpaa. Rørdam, Kirker og Klostre, T., 42-43.

IV s.37