eremit.dk
Sti: Forside > Emneindeks > KD > Bind IV > nr.331

Kjøbenhavns Diplomatarium

Bind: IV
Side: 336-337
Nummer: 331


<-Forrige . Indhold . Næste->

331.

14 Marts 1514.

Skøde paa 2 Boder paa Dragør.

Ick Hansz Garnath, borger to Koppenhagen, mit myne eruen bekenne vnde betuge apenbar vor alsz weme in desszem breue, dat ick vorkofft hebbe vnde vor late to eneme ewegen vasten kofften kope in krafft desses breues Peter Bodeker vnde sinen eruen myne twe boden vppe Draker belegen vppe deme schilde an der Wiszmerschen wege insz süden negest Hans Bockbinders boden int norden

IV s.336

mit alle eren to behoringe grunt vnde bowet, alsz se nw stan, vor hundert vnde achten derttich mark densch, de ick to vuller noge entffangen hebbe vnde dancke em vor güde betalinge, so vor late ick Hans Garnath vnde myne eruen dessze vorbenommeden twe boden my van der hant vnde mynen eruen vnde Peter Bodeker vnde sinen eruen to der hant dit vor geschreuen stede vnde vast to holden sunder all arch vnde argelist. Des to grotter vnde vaster tor vorwaringe hebbe ick Hans Garnath myn insegell witlicken gehenget vor desszen breff tor tügnissze der warheit vnd vmb myner bede willen also megchtige tüge mede versegelt heben, also Jeppe Nielsszon rattman vnde Jorgen Moller borger. Datum to Koppenhagen am dinstage na reminiscere anno domini md vnd xiii etc. to der warheit ist dit myn eygen handschrifft.

Ik Peter Bodeker ik geue dessze vor schreuen thwe boden to sunte Mauricius alter in Kopenhagen in sunte Nyclaus kerken, wat dessze boden reten, dar van sal de capelan dat 4 part al jar inde bøssze legen, de to dem alter hørt; de kerkeweren hebben de bøssze mit vth wysende desz kerken bodes, is dat de kappelan dit vor schreuen nicht holden wil, so geue ik den kerke weren ful mach(!) den capellan aff to setten vnd en anderen inde stede; to tuchgennissze der warheyt is dit myn egen hant schant schrifft vnde myn engesegel witliken mede henget vor desszen breff.

Afskrift i Dipl. i Geh.-Ark. efter Orig. i Nikolaj Kirkes Arkiv.

IV s.337

<-Forrige . Indhold . Næste->

Opdateret: man mar 24 17:54:50 CET 2003
© eremit.dk 2001 - 2010 . Må frit anvendes og citeres med kildeangivelse
Kontakt:

Creative Commons License
Dette værk er licensieret under en Creative Commons Navngivelse-Ikke-kommerciel-Ingen bearbejdelser 2.5 Danmark Licens.

Valid HTML 4.01 Transitional  Valid CSS!
Sidens top