eremit.dk
Sti: Forside > Emneindeks > KD > Bind II > nr.74

Kjøbenhavns Diplomatarium

Bind: II
Side: 83
Nummer: 74


<-Forrige . Indhold . Næste->

74.

10 Dec. 1447.

Per Beyer pantsætter sin Jord i Pilestræde til Nikolaj Kirke, men beholder den i Brug mod en aarlig Afgift.

Wetlijk vnde openbar sy allen vromen luden, de dessen breff zeen ofte horen lezen, so bekenne ik Peer Beyer, wo dat ik hebbe gesat vnde seet myn erde in pande sunte Nicolaus kerke to Copenhauen, vnde de vorbenomede erde is ghelegen jn der Pijlstraten to Copenhauen vorbenomet, vür neghen lichte guiden, vnde dor schal ik sunte Nicholaus kirke vorbenomet van gheuen alle jare dree schillinge grot. Wert dat sake, dat ik Peer Beyer vorbenomet de dree schillinge alle jare nicht vth en gheue, als vorscreuen steyt, vnde dat dree jair lank vorsete, so schal de vorbenomede erde vnde hus sunte Nicholaus to horen, sunder jenegerleye wedder rede vnde alle argelist, vnde de vorbenomede erde is by osten eluen elen vnde by westen drutteyn elen, ghelegen negest by Jepp Beyer, mynen vader etc. Des tor witlicheit vnde getuchnisse der warheit, so hebbe ik Peer Beyer vorbenomt myn jngezegel hijr vnder an dessen openen breff gehangen. To merer sekerheit so hebbe ik gebeden mynen vader Jepp Beyer, vorbenomet, Jess Berch vnde Jepp Sax, dat se ere jngezegel myd vtir dessen breff willen hangen, dat wij Jepp Beyer, Jess Berch vnde Jepp Sax gherne gedaen hebben vmme beden willen Peer Beyers vorbenomet, de gegheuen, gescreuen vnde bezegelt is to Copenhauen vorbenomet na godes gebord dusent veerhundert dar na in deme souen vnde vertegesten jare des sondages na sunte Nicholaus dach des hilghen bisehopes.

Afskrift i Diplomatariet i Geh. Ark. af Nikolaj Kirkes Arkiv.

II s.83

<-Forrige . Indhold . Næste->

Opdateret: ons apr 23 18:25:04 CEST 2003
© eremit.dk 2001 - 2010 . Må frit anvendes og citeres med kildeangivelse
Kontakt:

Creative Commons License
Dette værk er licensieret under en Creative Commons Navngivelse-Ikke-kommerciel-Ingen bearbejdelser 2.5 Danmark Licens.

Valid HTML 4.01 Transitional  Valid CSS!
Sidens top