|
Noverint vniuersi presentes et futuri, quod recognosco me
honorabili viro domino Ascero Johannis, presbytero, perpetuo vicario
in ecclesia Haffnensi, latori presencium, quatuor tabernas meas cum
fundis illarum michi jure hereditario post obitum patris mei et
matris mee pie memorie legaliter aduolutas et occidentaliter contigue
inter cimiterium ecclesie sancti Petri Haffnensis et curiam eiusdem
domini Asceri Johannis situatas cum omnibus pertinenciis suis,
videlicet longitudine et latitudine, nullis penitus exceptis,
vendidisse et ad manus eius realiter assignasse perpetuo possidendas.
Recognoscens me pro quatuor dictis fabernis sufficientem pecuniam et
valorem a dicto domino Ascero Johannis ad beneplacitum meum, ita ut
bene contentor, totaliter subleuasse. Vnde obligo me et heredes meos
dicto domino Ascero Johannis et heredibus suis predictas quatuor
tabernas cum earum fundis et suis adiacenciis vniuersis astare,
appropriare ac penitus disbrigare sine reclamacione heredum meorum et
aliorum quorumcunque. In cuius rei testimonium sigillum meum vna cum
sigillis honorabilium virorum, videlicet domini Magni Johannis
presbyteri, perpetui vicarii in ecclesia Haffnensi, Johannis
Ebbonis, Johannis Jacobi, consulum Haffnensium, et Johannis Tuconis,
villani ibidem, presentibus est appensum. Datum Haffnis anno domini
millesimo quadringentesimo quadragesimo quarto, vigilia sanctorum
apostolorum Symonis et Jude.
5 Segl hænge under, det første har et Helgenbillede, det sidste
har 2 Hunde i et Skjold. Orig. paa Perg. i Geh. Ark.
|
II s.76
|
