eremit.dk
Sti: Forside > Emneindeks > KD > Bind II > nr.281

Kjøbenhavns Diplomatarium

Bind: II
Side: 244
Nummer: 281


<-Forrige . Indhold . Næste->

281.

15 Juli 1534.

Hertug Christian opfordrer Staden til at give sig paa Rigsraadets Parti.

Von Gottes gnaden Christian, erffgename tho Norwegen, hertoge to Sleswigk, Holsten etc. Vnnsenn gunstigenn grut thouorne. Ersamen vnd wisen leuen besundern, wy hebben zw kortes thouorne geskreuen sinder hapernynge, gy deszeluige vnnse skrifft bekamen hebbet vud gelanget, darbeneuenst noch und auermals an jw, (de wy jnn sunderheit belenten) wnze gantz gnedige bede, mit höchsten vlite, gy wildyt jw vnser viende listige, bedrechliche, vorfurlighe ansleghe vnd rede, de so vnder gudem slisendenn sthiue(?), angeuen vnnd vtbedenck nicht vorfüren och ere drawenth jw nicht afstrechen laten, wo gy sünder thwiuell, alse de wissen vnd eerleuenden woll doum werden, sunder willet jw jn jwer stadt vnd vaterlandt eindrectichlich vereinighenn, Danemarchs ricks radt, als den gy gelauet vnd gesworen sint, gehorsam leisten vnd tho jwer aller bestes vnd bestantlicher wolfarth jwer stadt mit werender handt gegen de viende erholden, wy weten vnd willen jw jn egener personen in gantz kort mit Gotz hulpe mit vhnser hoochsten macht tho rosth vhote beide tho water vnd lande entsetten vnd van vnsern sampt vienden gantz vnd all thogeledigeu vnd dusze ere bedrechliche, gutwillige, vnerwart auerfall, den so vns samptlich veder Got, ere, recht vnd alle billigheit ock breue vnd besegelte recesse gedhahn hebben, schall vnser aller gluck vnd groth gedyelenn, vnd werden gy also myt Gots hulpe jn der warheit vnd nicht anders befinden, dat ende vnd eines jedern werck schall vnd wirdt denn geister(?) lanen here, vnd willen also an jw gar nicht thwiuelen, gy werden jw hirinne, also de erleuenden sthichenn holdenn vnd ertagen, dat wyllen wy vnnen jw samptlich vnd einem jedern in sonderheit, de wilie wy leuen, mit allen gnaden bekennen vnd begern hirup, wo sich alle gelegeuheith mith jw thodrecht, jwe skriflptliche antworth, den jw sint wy in sunderheit mit allen gnaden geneget. Datum in vnsenn veltlager to Trauemundt midde wekens na Margarethe anno mdxxxiiij.

Christian.

Den ersamen, wiszen, leuen besundern burghemeistern, radtmannen vnd gantzer gemeinheit der stadt Kopenhagen.

Afskrift i det Exemplar af Resens Beskrivelse af Kbhn., S. 253-54, der tilhører Hr. Justitsraad Bang, »af raadstuens gamle papiirs breffue«.

II s.244

<-Forrige . Indhold . Næste->

Opdateret: man jul 14 20:04:13 CEST 2003
© eremit.dk 2001 - 2010 . Må frit anvendes og citeres med kildeangivelse
Kontakt:

Creative Commons License
Dette værk er licensieret under en Creative Commons Navngivelse-Ikke-kommerciel-Ingen bearbejdelser 2.5 Danmark Licens.

Valid HTML 4.01 Transitional  Valid CSS!
Sidens top