eremit.dk
Sti: Forside > Emneindeks > KD > Bind I > nr.85

Kjøbenhavns Diplomatarium

Bind: I
Side: 125-126
Nummer: 85


<-Forrige . Indhold . Næste->

85.

1 Avg. 1386.

Jes Pedersen Frises Gældsbrev til Sorte Klavs for 16 Sk. Grot.

Witerlik sy alle den gheuen, de dessen bref seen edder horen lesen, ik Jesse Pedersson, deme heytet Vryeze, bekenne vnd betuge openbar in dessem breue, dat ik schuldich bin deme vysen manne Swarte Clawese, borgerre to Køpenhagen, sestyn schillink grote, dar de vorbenomede Clawes vul vor heft gedaen to miner nuge, de ik em betalen schal to paschen an reden penningen vnd nicht anders vor to tende. Vortmer so verbinde ik mi dar to, weret sake dat ik deme

I s.125

vorbenomede Claweze nicht geue dat gelt vppe den vorbenomede pasche dagh, watte schade he dar aue nemmet, den wil ik en wedder leggen to siner nuge. Vnd we mi Jesse vorbenomede antwerdet dessen bref met minem ingezegel, deme wil ik geuen de vorbenomede summe geldes. To orkunde desser vorscreuene stukke so hebbe ik min ingezegel vor dessen bref laten hengen, de geuen vnde screuen is na godes bort dorteynhundert jaar in deme seesse vnd achtentegisten jare, an sunte Peters daghe ad vincula, dat is alze he gebunden wart.

Seglet fattes. Orig. paa Perg. i Geh. Ark.

I s.126

<-Forrige . Indhold . Næste->

Opdateret: tir jul 30 16:45:14 CEST 2002
© eremit.dk 2001 - 2010 . Må frit anvendes og citeres med kildeangivelse
Kontakt:

Creative Commons License
Dette værk er licensieret under en Creative Commons Navngivelse-Ikke-kommerciel-Ingen bearbejdelser 2.5 Danmark Licens.

Valid HTML 4.01 Transitional  Valid CSS!
Sidens top