eremit.dk
Sti: Forside > Emneindeks > KD > Bind I > nr.219

Kjøbenhavns Diplomatarium

Bind: I
Side: 307-309
Nummer: 219


<-Forrige . Indhold . Næste->

219.

Avg.-Sept. 1523.

Overenskomst mellem Fredrik l og Lybækkerne med deres Forbundsfæller om hvilken Del enhver skal tage i Kjøbenhavns Belejring.

Vortekenisse wat erwelte Ko. M. ock des rykes radt vnd de van Lubeck sampt oren werwanten vnd anhengere tom storm der stadt Copenhagen vor ordenen vnde schicken scholen.

Erstlich eynduszent knechte, so jtzundes jn Schone edder

I s.307

Sweden liggen, schal erwelte konynck jn besoldynge annemen, vor Copenhagen foren laten, so auer de knechte vth Schone na Lubeck gesegelt weren, schal erwelte konynck deszuluen to Lubeck annemen laten.

Item eynduszent guder werafftiger manne schal erwelte konynck vth dem furstendomen Slesweck vnd Holsten bryngen laten.

Item eyn duszent guder werafftiger manne schal des rykes radt van oren gesynde vnd andern dar by bryngen.

Item dreduszent knechte vnd werafftige manne scholen de van Lubeck sampt oren anhange dar to vorordenen.

Item dar tho scholen eyn duszent manne van den schepen, so jtzundt vor Copenhagen liggen, tom storme gefordert werden.

Item vmme dat storm gelt, schal sych eyn jszlig herschop myt synen luden vorliken, so is men doch der touorsicht, ydt schole vor deme storme ergeuen werden, wo auerst sulkes nycht geschege, so kan men na erouerynge der stadt dat krygesuolck van eyn ander theen, machmen sick des stormes geldeshaluen vp eyn gerynge myt one wol vorgeliken.

Item twe grote stucke bussen scholen de van Lubeck schicken.

Item eyne gude kartouwen scholen de vann Sunde schicken.

Item twe halue kartouwen scholen de van Dantzick, so se jtzundt vp den schipen hebben dar to schicken.

Item to sulck oren geschutte scholen de stede alle kugelen vnd lode, dat der keyn mangel vor orden.

Item dat puluer vngeferlich xvj last scholen de van Lubeck vp oren gelowe by deme kopmanne vpbryngen vnd vor dat gelt borge syn, schal erwelte konynck vp negest kumpstig pasken betalen, wo sulckes nycht geschege den van Lubeck genochsam vorwyssynge an sloten vnd borgen, den dar myt se keynen schaden lyden scholen.

Item schuffel vnd spaden scholen vp vth den steden vnd vc vth dem lande to Holsten gebracht werden, dar to de vp den schepen syn.

Item de stede scholen de haue sencken, jfft sick auer Copenhagen, er sulckes geschege, ergeue vnd de stede derhaluen vnkost gedan hedden, schal erwelte konynck betalen.

Item alle bussemester, so den steden mogelick vptobryngendt scholen, so neffen dem geschutte schicken, jedoch schuffel vnd spaden schalmen vpt jlenste vor Copenhagen tertigen.

Istmen auer to sulckem storm dorch gebreke bauen angetogede rustynge nycht kamen mochte edder ock de storm verlaren worde (dat got gnedichlich affwende), vnd also dat wynter leger vor Copenhagen scholde geholden werden, so schal erwelter konynck drehundert

I s.308

dudescher ruter vnd drehundert denscher rutere dar to alle dath voth volck, so der konynck jtzundt jm leger hefft, holden.

Dar by seholen de stede aynhundert dudeseher ruter vnd alle dath vothvolck, so se jtzundes jm leger hebben, holden. Dar tho vngeferlich teyn jachten vnd Warnermunder bote scholen de stede holden, so lange men jn der zee blyuen mach.

Item de erthuser vnd sehantzen schal erwelter konynck durch schantzemeister vor Copenhagen maken laten.

Item dat lager schal ærwelter konynck vmmeher begrauen laten.

Samtidig Opskrift paa Papir i Geh. Ark.

I s.309

<-Forrige . Indhold . Næste->

Opdateret: ons sep 18 21:16:12 CEST 2002
© eremit.dk 2001 - 2010 . Må frit anvendes og citeres med kildeangivelse
Kontakt:

Creative Commons License
Dette værk er licensieret under en Creative Commons Navngivelse-Ikke-kommerciel-Ingen bearbejdelser 2.5 Danmark Licens.

Valid HTML 4.01 Transitional  Valid CSS!
Sidens top